April Fools

 

“April Fools”
Ni: Inah Dez

Mahal abril nanaman nanalapit na ang anibersaryo nating dalawa.
Naalala ko pa nung mga panahon na sobra nating sweet sa isa’t isa,
Halos daigin pa natin ang tambalang Claudine at Rico Yan.
Ayaw natin malayo sa isa’t isa.
Kulang na lang ay mag sama na tayo noon sa isang bahay.
Pero lumipas an gang araw, buwan at taon.
Ating pagsasamahan ay sinubok na panahon.
Sa akin ba ika’y nagsawa na? o sadyang ako lang ang sayo’y nagkulang?
Ang dating Rico Yan ng buhay ko bakit tila umiiwas na sa mga tawag ko.
Ang dating anibersaryo puno ng pananabik at kasiyahan,
Bakit kailangan mabahiran ng pagduda.
Ang dating ikaw na sa akin ay dapat bakit nakita ko may kasama na iba.
Takot ako sayo magpakita, baka maging sanhi pa ng away.
Tinago ko ang sakit, pinilit ko ngumiti.
Ang mga sugat sa loob ng sugat siya tuwina sa damdamin ko’y tumatarak.
Mahal? Matagal na rin pala nang huli tayo nagkamustahan.
Sa trabaho kapwa tayo abala,
Kaya ni’minsan di kita ginambala.
Nakatira nga tayo sa isang bahay,
Ngunit bakit presensya mo di ko na madama.
Mahal, tapos na ba an gating istorya?
Sa iba ka na ba lumiligaya?
Sa akin ba ay wala ka ng gana?
Sa relasyon ba natin ika’y ba suko na?
Mahal, Hindi na kilala.
Hindi na ikaw ang lalake pinangarap ko iharap sa dambana.
Hindi na ikaw ang lalake kasama ko bumuo ng mga pangarap.
Mahal, Nag-iba ka na…
Hindi na ikaw ang aking Mahal.
At alam ko na sa mga oras na ito,
O marahil nitong mga nagdaan mga araw, buwan at taon,
Alam ko na hindi na rin ako ang mahal mo.
Kaya ano ba silbi nitong relasyon na ito?
Kung parehas lang tayo wala na tiwala sa sinumulan nating mabuo.
Oo, alam ko april fools ngayon.
At marahil tatawanan mo lang ako,
At sasabihin na ano namang pakulo ito.
Pero sawa na ako, Pagod na ako.
Maghiwalay na tayo.
Hindi ito April fools o anumang klase ng pakulo.
Bakit kailangan ko pa ng April fools?
Eh ilang taon na rin akong nagpakafool sayo.
At salamat sa April fools ngayong taon.
Dahil magagawa ko nang bitawan ang mga salitang ito.
At sabihin sayo na napikon na ko sa mga joke mo kaya serseyohin na kita.
Kung ikaw nga nagawa mo kong lokohin kahit hindi April Fools,
Ngayon naman ako naman ang babawi sa mga panglolokong ginawa mo sa akin.
Puputulin ko na ang joke na naguugnayan sa relasyon natin.
Dahil sa araw na ito, TangIn@ mo! April fools mo ‘to! Break na tayo!

The Return of the Comeback (Ang Pagbabalik ni Hudas Barabas mula sa purgatory)

Second chances? Pagkakataon? Paano nga ba malalaman kung karapat-dapat sya sa second chance, third chance, fourth chance o kahit ilang chance pa yan!

Karapatan ba ito na dapat ibigay sa bawat tao? Na kahit pauulit kang lokohin, yurakan, abusuhin, gamitin at patuloy na saktan at ibigay ang lahat na maging ang bataan nagawa mo na isuko, wala pa rin nagawa ka pa rin nila lokohin? Mahal na mahal mo siya, lahat ng bagay ginagawa mo para lang maparamdam mo sa kanya na mahal mo siya, yung feeling na handa kang mag mukhang tanga at martir sa harap ng maraming tao maparamdam mo lang sa kanya na mahal mo siya.

Tapos sa isang iglap, sa di malaman-lamang kadahilanan bigla ka niya iniwan. Dun pa sa panahon na handa ka nang makasama siya habang buhay. Yung tipong sobrang saya mo na sa piling niya pero ang ending iiwananan ka lang din pala.

Tapos nagpaka imbestigador ka para lang malaman kung ano nga ba talaga ang tunay na dahilan, sinubukan ungkatin lahat ng mga bagay na pinagawayan niyo, tinignan ang mga past convo mo may nasabi ka bang mali? Wala! Oo, Wala ka naman nagawa o nasabing mali.

Tapos isang araw habang naghahanap ka ng kasagutan sa mga tanong kung ano nga ba ang nangyari kusa na itong lumabas at nagpakita sayo. Wala pala sayo ang problema nasa kanya!  Matagal ka na pala niya niloloko at ginagamit sadyang tanga ka lang at nagpakabulag sa pagmamahal sa kanya.

Sa totoo tanggap mo na ang lahat. Handa ka na salubungin ang 2017 na single eh. t nabura mo na rin lahat ng pictures niyong dalawa, napalitan mo na ang wallpaper mo at nakakakain ka na ulit sa favorite resto niyo.

Tapos gabi bago ang fireworks ang new year countdown bigla-bigla na naman siyang magpaparamdam at manunuyo sayo tapos aakitin ka pa sa mga litanyang “Nagsisi na ako, Mahal pa rin kita…”

Isang mabigat na desisyon, ang makipagbalikan sa taong tumarantado sa’yo. Pero wala na, nangingibabaw ang kahinaan mo naniwala ka sa sabi-sabi na masama ang may kaaway sa huling gabi ng taon kaya naman ang pusong galit sa isang saglit muling umibig. Pinatawad ang walanghiyang lalake nakinig sa mga litanyang alam mong puno ng kasinugalingan.

giphy

Pa’kiss nga ko, Namiss kita! Gago ka! 

Ano ang magagawa mo?New year na bukas! Malay mo New Year’s Resolution niya ang maging good boy saka masisi ka ba ng mapanghusga mong kapwa eh nasasabik ka lang naman din sa halik ni Hudas.

tumblr_inline_neufcsaftl1rkygkg

“The Return of the Comeback

(Ang Pagbabalik ni Hudas Barabas mula sa purgatory)”

Ni: Shamushi Kaishin