Hugot Strike

Ika-dalawampu’t pito ng buwan ng Pebrero nang muli tayo magtagpo sa dulo.Wala kang masakyang auto.Welga kase, paano tayo makakarating ng recto?Kinawayan kita! Ngitian at sabay bati,

“Kamusta na?”

Tatalikod na sana ako at susuko nang bigla ko marinig ang tinig mo,

“Ok lang, Ikaw ba?”

Di ko alam kung niloloko lang ang sarili, nagpapanggap na sa tanong ko sumagot ka.Pero bigla nalinawan ng makita ko ang matamis na ngiti mula sa iyong mukha.Kanselado na ang klase. Pero bakit pa ako umaasa na ito ay mapahaba.

“Ngayon sana defense namin,buti na-cancel may oras pa kami para mag review, Ikaw ba?”

Tumahimik ulit ang paligid, sinisi ko ang sarili ano ba ang aking nasabi? Bigla kang tumawa, akala ko may dumi lang ako sa aking mukha.

Bakit nga ba kase sa dami ng pwede ko sabihin thesis ko pa ang ibinida ano ba pake mo dun diba?

Nang muli kang magsalita sinuguro kong ako’y mulat.

Aba, minsan lang tayo mag-usap.

Sa akin nakuha mo ring magbida,kinewento ang epic fail niyong depensa.Pero wala akong pake sa inyong depensa sa totoo lang  sa mga mapupulang labi mo lang ako noon nakatulala. Pinagmamasdan ang bawat ngiting sumisigit sa mga kwento mong minsan ko lang marinig. Nangangarap na ang sandali ay hindi mawagli.

“O’sige, Ayan may UV na una na ako sayo. Pupunta pa ako kina Jayson.”

Ngunit anumang pilit tadhana sa akin hindi talaga pabor. Sa sandaling ako’y maligaya na bigla ka naman magpapaalam. Hindi magawang pigilan pagkat malinaw na sa akin ay wala ka na.

Ang alam ko Strike ngayon ng mga driver ng Lumang Jeep. Pinaglalaban nila na sila ay wag idispatsya. Pero sa puntong ito ako rin ay nakikiisa sa strike!

Na sana ang lumang ako sayo ay muli mong pagbigyan, hayaan na ibalik ang masasayang alaala, tulatan na ika’y muling alagaan, Pagbigyan ang pusong humihingi ng kapatawaran sayo.

“Sana yung feelings mo parang presyo ng gasolina pwedeng iroll-back.”

Advertisements

Sa Pagitan ng Ikaw at Ako

Kamusta ka na?
Nahanap mo  na ba  ang  hinihingi mo  sa’king  espasyo?
Ang mga  oras  mo  na nais  mong makuha?
Tunay mo  na nga  bang natagpuan ang  mga  ito?

Sabihin mo  sa  akin kamusta ka  na?
Napagtanto mo  na ba  ang  “Ako” sa  “Iyo”,
Ang ” Tayo” na sinabi mong “Malabo” ?
O hanggang ngayon ang  isip mo ay nasa “Kayo” na alam  mong matagal nang  sinira  nung  ex mong siraulo.

Kamusta ka  na?
Matagal na rin  nung  huli  kita  nakita,
Pinili kong  lumayo pagkat di  ko kayang makita kang lumuluha.
Lumuluha at nagpapakatanga sa  lalaking hindi ka  kayang pahalagahan.

Kaya  sabihin mo sa  akin, Kamusta ka  na?
Sa  pagitan ba  ng “Ikaw” at “Ako” di  na ba natin talaga maisisingit ang  Tayo?
Na habang buhay mo  na lang panghahawakan Ang sirang “Kayo”?

Kamusta ka  na?
Yan  na ang  huling  tanong ko.
Pagkat sinasabi ko Sayo,
Magbabalik na Ako.

Handa  na ako , harapin  ang  ” Kayo ”
Na Hindi mo  magawa-gawang itapon at ibato.
At patutunayan ko na ang “Tayo”
Sa  pagitan ng Ikaw at Ako
Ay  Hindi malabo,
pagkat ang  pag-ibig ko sayo  ay  totoo.