Dear Kups, (Ang Reply ni Bes sa Aking Katorpehan)

Dear Kups,

Sa lahat ng lalakeng nakilala ko ikaw ang pinaka kupal! Lakas ng loob mong i-post sa blog ang katorpehan mo! FYI, Hindi ako kinilig sa mga salitang nabasa ko ‘to, sa totoo lang lalo lang ako naiinis sayo.

Ewan ko ba kase kung ano ang problema mo? Bigla ka na lang hindi nagparamdam wala man lang pasabi na nagmamaktol ka na. Nakuha ko na degree ko at lahat-lahat wala man akong narining o natanggap na Congratulations sayo! Noong mga panahon na iyon pinatunayan mo lang sa akin na NAPAKA-KUPAL mong nilalang!

Kaya wag kang ano dyn! at baka ikaw ang anuhin ko! maiinit pa ang dugo ko sayo hanggang ngayon! Masyado kang pabebe hindi porket baby face ka at may dimple ay dadaan-daanin mo ako sa mga pa-cute mo!

Tapos iyan pang post-post mo sa blog, Hay nako! pinagana mo na naman ang pagiging cariñoso mo. Alam mo naman na ‘yan ang pinaka ayaw ko sayo yung pagiging sweet talker mo! Lakas makahatak ng chicks yung mga linyahan mo.

Pero Kups may aaminin din ako sayo, sa totoo lang hindi lang ikaw ang nahulog pati naman ako nagsimula nang magkagusto sayo, wag mo na usisain kung kelan pa at baka kiligin ka pa at lumaki yang ulo mo.

Oo, pwede ka nang magbunyi at kiligin kase pilitin ko man ang sarili kong maiinis sayo dahil sa hindi mo pag chat sa akin ng ilang araw at pag snob ng ilan kong mga tawag alam mo ba noong mga sandaling iyon gusto na kita jombagan dahil parang ipinamukha mo sa akin na totoong nahuhulog na ang loob ko sayo.

Pero dahil sa kakupalan mo ay parang wala lang, Ewan ko ba sayo! Lakas maka-emote sa blog!

Kaya Para sa MAHAL KONG KUPS! (‘o yan capslocks para intense) simula ngayon di na kita bes, tatanggapin ko na yung kakupalan mo at sasalubungin ko pa yung katorpehan mo! Pero gusto ko muna tratuhin mo akong prinsesa. Wag mo ako daanin sa pagiging cariñoso mo at simulan mo (agad-agad) ang pagpapatunay na Loves mo ako (w/ matching laro-laro sa hair) gusto ko makita at ma-experience yung panliligaw nung pinaka kupal na lalake na nakilala ko.

O’yan may sagot na ang bakit mo ah? Wag ka na magdrama di bagay sayo!

Nagmamahal,

Ang Dati mong Bes

 

P.S

Magpakita ka na sa akin! Kupal ka talaga! Miss ko na yung Dimple mo!!

Walang Sagot sa Lahat ng Bakit

Sa araw-araw na lang, lagi mo inuulan ang sarili mo ng mga bakit?

“Bakit kaya hindi niya ako mapansin?”

“Bakit kaya mahal pa rin niya yung walanghiya niyang Ex?”

“Bakit kaya hanggang mag kaibigan lang kami?”

“Bakit kaya hindi niya ako magawang mahalin?”

Mga bakit na pataksil na sumasaksak sa ating mga damdamin at unti-unti tayo pinapatay sa sampal nitong mga sagot na pilit nating inililihis sa katotohanan at pinapaniwala ang mga sarili natin na kahit wala naman talaga ay mayroon pa ring pag-asa na umayon sa atin ang sagot sa mga tanong na ito.

Wala ka kasing kadala-dala, sinabi na ng utak mo na itigil mo na pero sinunod mo pa rin ang puso mo at patuloy kang nagmahal. Masisi mo ba ang sarili mo? Eh lumaki sa mundo kung saan ang mga tao ay naniniwala sa himala. At ang mahalin ka niya pabalik ang himalang pinagkakadasal-dasal mo.

Wala rin namang mali ang magmahal ng lubusan, Ang ibigay ang buong atensyon at tiwala sa taong mahal mo na walang hinihinging kapalit. Na kahit alam mong ginagamit ka lang niya ay patuloy ka pa rin sa ginagawa mo dahil aminin mo man o hindi ay umaasa ka na magbabago ang lahat at aayon ito iyo.

Pero hindi ganoon ang reyalidad, hindi totoo ang istorya ng isang prinsepeng hinanap ang isang dalagang nakaiwan ng kapares ng sapatos sa kanyang kaharian o ang isang babaeng handang halikan ang isang palaka dahil lamang nakaramdam siya ng pagmamahal.

Pakiramdaman at paunahan sa pagsasabi ng tunay na nararamdaman ang labanan ngayon sa kasalukuyan. Birong tunay ang taguring “Talo ang unang ma-fall o bumigay ang feelings”.

Walang sagot sa lahat ng bakit! Dahil wala rin naman saysay ang pagtatanong ng bakit kung sa una pa lang ay alam mo na hinahanap mong kasagutan. Na kung sa una pa lamang ay alam mo na kung ano ang hangganan ng inyong pagsasamahan, na sa una pa lamang ay alam mo na salitang “TAYO” sa pagitan niyong dalawa ay sadyang malabo.

Wag mo ulanin ang sarili mo ng bakit? ikaw lang mismo ang sasagot sa mga tanong na bumubulabog sa iyong isipan. Kumilos imbis na magsalita. Walang mararating ang mga salitang “Mahal na kita” kung hindi mo ito magagawang patunayan at ipaalam sa kanya.

Ang mga haraya na nagpapatakbo sa malikhain mong kaisipan upang makagawa at makapagsulat ng mga tulang alay sa kanya ay mananatili lamang sa iyong isipan kung hindi mo ito magagawang isabuhay.

Tandaan mo, Walang sagot sa lahat ng bakit.

Dear Bes,

Dear Bes,

Nagsimula lang naman ang kwento sa simpleng “Hi/Hello” sa Facebook, Naglakas loob na i-chat ka matapos ang isang tagging activity sa iisang litrato sa facebook na nandoon kayong dalawa. Sa totoo lang hindi  naman niya talaga intensyon pahabain ang usapan noong mga panahon na yun pero ewan ba niya kung bakit humaba nang humaba hanggang sa dumalas na nga rin ng dumalas.

Ang simpleng “Hi/Hello” ay nadagdagan na ng “kamusta?” “kumain ka na ba?” at kung ano-ano pang mga introhan para lang mas humaba pa ang  oras ng ating pag-uusap. Hanggang sa hindi na nga niya napiglilan pa ang kanyang nararamdaman. Oo, na-fall na siya sayo.

Pero hindi naman siya ganoong ka- hopeless romantic na para isipin ang simpleng pag post sa blog ng kanyang true feelings ay siyang sagot sa katorpehan na bumabalot sa kanyang katauhan.

Siguro at the back of his mind, He was thinking that he might once and for all confess his true feeling without even waiting in vain for an answer. I mean baka kahit papaano mabawasan ang mga “what ifs” na naglalaro sa isipan niya. What if di niya ako gusto? What if mafriendzone lang ako? thinking those kind of stuffs that this crazy love offer us could make this man think for ages.

And siguro with this hindi na niya kailangan antayin ang sagot mo. If you get his message then decided to give him a chance then it’s an ace for him but if this blog confession makes you say no to him, he can just confidently say “Echosera! Felling mo naman?” . He can even deny it himself and take all the pain discretely na parang vibration lang ng phone niya sa tuwing tumatawag ang parents niya.

Effective din siguro ang pag-snob mo sa mga msg niya at sa hindi niyo paguusap for 1 week 3 days 7 hours 02 minutes and 33 seconds. Kase nagkaroon siya ng enough time para pagisipan ng maiigi itong kalokohan na papasukin niya. For the first time! Kinalimutan niya ang pagkatorpe niya para lang maisulat ang blog na ito.

Tapos na rin siya pagtugma-tugmain ang mga detalye kung paano ka ba niya napusuan na sobra-sobra. Na kung paano ba tila nakikita niyang tadhana ang nagsasabi sa kanya na wag ka na niya pakawalan. Na mula sa mga maliit na detalye na pilit niyang sinasabi sa sarili na baka coincidence lang pero tila patuloy na bumabagabag sa isip niya at pinipilit siyang paniwalain na tadhana talaga ay may gawa noon. Ang isang linggo pagkakaroon niya ng LSS sa OST ng Beauty and Beast at sa hindi niya mawari kung bakit si Belle pa ang nakuha mong gayahin, o maging sa mga litrato na tila ba nagtitinginan mula sa malayo ang mga maliit na detalye na patuloy nagpapabaliw at nagpapalito sa kanyang nararamdaman.

Hindi niya alam. Wala siyang alam. Lalo na sa mga oras na ito na panay lamang ang pindot niya tipaan, bahala na kung anong mga salita ang mabuo ang mahalaga sariling haraya niya ang nagpapatakbo.

Kaya hindi ko pa rin lubos maiisip kung ito nga ba ay isang kumpisal ng isang aspiranteng manliligaw sa isang dilag na siyang diwa ng kanyang mga haraya. Hindi siya umaasa sa matamis na oo, tanging pagkakataon lamang ang kanyang hinihiling. Na sa iyo ang huling hatol…

at ang panapos sa istoryang ito…

 

Secretly Loving Since Sept 30, 2016

Bes (wag sanang Forever)